एनसेलको 'ट्रिपल बोनस’ योजना

काठमाडौ, जेष्ठ ५ - एनसेलले विश्वकप फुटबलको अवसरमा ग्राहकका लागि 'ट्रिपल बोनस' नामक नयाँ योजना सार्वजनिक गरेको छ । योजनाबाट ग्राहकले एनसेलका सेवा प्रयोग गर्दा निःशुल्क बोनस पाउने कम्पनीले बताएको छ ।

जेठ ५ गतेबाट लागू हुने योजनामा एनसेलका पि्रपेड तथा पोस्टपेड ग्राहकले बिहानको ६ बजेदेखि बेलुका १० बजेसम्म मोबाइलको मेन ब्यालेन्सबाट फोन गर्दा, एसएमएस, एमएमएस पठाउँदा वा इन्टरनेट चलाउँदा १० रुपैयाँ खर्च गरेमा ३० रुपैयाँ बराबरको बोनस ब्यालेन्स पाउने उल्लेख छ । यही प्रक्रियाअन्तर्गत ग्राहकले एक दिनमा अधिकतम ६ सय रुपैयाँसम्म बोनस ब्यालेन्स पाउन सक्ने विज्ञप्तिमा भनिएको छ । यस्तोे बोनस व्यालेन्स बेलुकाको १० बजेबाट बिहान ६ बजेभित्र एनसेलको नेटवर्कभित्र फोन गर्नर्, एसएमएस वा एमएमएस पठाउनका साथै इन्टरनेट चलाउनलाई प्रयोग गर्न सकिने जनाइएको छ । एनसेलका पि्रपेड तथा पोस्टपेड ग्राहक स्वतः निःशुल्क योजनामा सहभागी हुनेछन् । यस समयमा हाम्रा ग्राहकले एकआपसमा आफ्ना भावना साट्दै फुटबलको प्रत्येक पलको आनन्द लिन सकून् भनेर यो योजना ल्याइएको हो,' एनसेलकी कर्पोरेट कम्युनिकेसन निर्देशक सञ्जु कोइरालाले भनिन् ।